Пејачот Дарко Илиевски кој пред неколку години се пресели во далечниот Мајами, стана татко. Неговата сопруга Ивана се породи пред неколку дена и на свет го донесе малечкиот Матео.
Убавата вест прв ја сподели токму Дарко на Инстаграм.
– 8 октомври 2019 е најсреќен ден во мојот живот! Мојата кралица ми роди син како најголем поклон за тригодишнина од нашиот брак. Фала ти сонце мое! Драги пријатели се роди Матео – напиша тој на фотката на која е со сопругата и бебето.
Инаку Илиевски пред неколку години се повлече од музичката сцена кај нас. Јавноста го запозна со учеството во шоу „Идол“ што се снимаше во Бугарија, а по кое стана миленик на тинејџерките. Брзо потоа сними албум и учествуваше на неколку фестивали во земјава и во регионот.
