Ако досега не сте имале ковид-19, веројатно немате ни пријатели, тврди еден од водечките јужнокорејски лекари и потпретседател на јужнокорејското Здружение за вакцинација, Ма Санг-хјук.
„Возрасните кои не биле заразени со ковид, имаат проблеми во меѓучовечките односи, напишал Ма Санг-хјук на Фејсбук, а по кратко време ја избришал објавата.
Неговата објава предизвика голем број критики од лица кои досега не биле заразени, а не се сметаат за асоцијални.
Откако ја избришал објавата, Ма појаснил дека се послужил со метафора и дека не бил добро разбран.
„Сакав да истакнам во колкава мера е тешко да се избегне вирусот во ситуација со висока стапка на заразени во близина“, се обидел да ја оправда својата изјава Ма со изјава за корејски весник.
