Сексот може да ви го подобри расположението, да го поттикне имунолошкиот систем, па дури и да ве разубави. Ова се само дел од причините зошто е добро почесто да имате секс.
Ве подмладува: Редовниот секс може да ве подмлади дури за седум години, и тоа и од внатре и од надвор. Како физичка активност е добар за одржување на тонусот на мускулите и раздвижување на метаболизмот, а како целокупно искуство го зголемува лачењето на естроген, што ги „пегла“ брчките. Секако, со насмевка на лицето изгледате помлади.
Јаки „пливачи“: Ја подобрува плодноста кај мажите. Тестовите покажале дека квалитетот на спермата опаѓа со апстиненција. Најнизок квалитет на спермата е забележан кај мажи кои немале секс десет дена.
Ве прави попривлечни: Колку поактивен сексуален живот имате, тоа ве прави попривлечни. Со сексот се ослободуваат феромони што ги привлекуваат другите. Да потсетиме, веќе сте попривлечни со тоа што изгледате подобро и подмладено.
Помага при менструални болки: Сексот е природен лек против болка бидејќи помага да се опуштат мускулите и за време на секс се ослободува ендорфин, „хормонот на среќата“.
Го зајакнува имунитетот: Сексот му помага на вашиот имунолошки систем подобро да е бори против настинки и инфекции. Ако имате секс еднаш или два пати неделно, се зголемува лачењето на имуноглобулин во телото.
