Кајла Хејс (21) од Јужна Каролина споделува шокантна приказна за монструозно насилство во врската која ја сподели со јавноста во 2019 година.
Кајла не сакала да ја обнови врската со партнерот, кој за возврат ја бакнал насилно и ѝ одгризал дел од усната, при што ја исфрлил од возилото во кое се наоѓале и ја оставил да крвари. „Тој рече дека ќе остави белег на мене, така што секој мој следен дечко ќе може да го види тоа, и го направи тоа“, вели Кајла.
Таа со благодарност се сеќава на случајниот минувач кој ѝ помогнал и на медицинска сестра која се обидела да ја опушти сосема несоодветно, па се пошегувала дека нема да ѝ треба костим за „Ноќта на вештерките“. Тогаш реалноста ја удрила како чекан по главата. Никогаш повеќе нема да изгледа „нормално“.
Се обвинував себеси долго време за она што се случи. Сега сфатив дека не сум јас виновна. Ова се случи затоа што одбив да му се вратам на човек кој не ме заслужува. Јас бев негова сопственост. Имав 17 години кога започнав да излегувам со Сет, а тој имаше 21 година.
Многумина се прашуваат зошто останав во таа лоша врска, но луѓето што го прашуваат тоа забораваат дека има добри периоди и во лошите врски. Кога беше добар, беше прекрасен. Кога беше лош, тој беше мојот кошмар.
Сега таа има направено реконструкција на лицето, авторка е на книга која ја обработува темата на насилство врз жените и делува среќно.
Извор: „Objektiv“
