– Како што најавивме, од утре па натаму ќе има зголемување на облачност и ќе има појава на повремен локален дожд. Ќе дува слаб до умерен, а во понеделник и тоа во западните предели повремено засилен ветер од југозападен правец – вели нашиот метео прогнозер Славчо Попоски.
Температурите и понатаму ќе бидат значително над просекот за овој период од годината и максималните ќе се искачуваат во интервалот од 12 до 19 степени.
Заладување на времето ќе има во вторник, кога врнежи од дожд ќе има на повеќе места и истите локално ќе бидат ПОИНТЕНЗИВНИ, и на повисоките места и на планините ќе преминуваат во врнежи од снег. Услови за врнежи од снег во вторник ќе има и на некои места со помала надморска височина, и тоа особено во северните предели. Сево ова ќе биде проследено и со засилен ветер од северен правец.
Температурите во вторник ќе бележат тенденција на позначителен пад и максималните дневни ќе се искачуваат во интервалот од 5 до 13 степени во најтоплите предели од државава.
И во Скопскиот регион од утре па натаму ќе има зголемување на облачноста и ќе има услови за повремен локален дожд. Поголеми услови за врнежи ќе има во вторник, кога ќе дува и засилен ветер од северен правец и ќе има заладување на времето. Температурите ќе се искачуваат во интервалот од 10 до 17 степени.
