Пикантната мешавина на праз и ориз ги прави овие посни пити гурмански специјалитет.
Намирници – 500 гр кори за пита, 3 стебленца праз (само белиот дел), филџан ориз, 3 филџани вода, сол и црн пипер, половина лажичка црвен пипер, босилек, сечкан магдонос.
Подготовка
Ставете вода до зоврие, додадете го филџанот ориз и варете вообичаено. Покријте и тргнете го од рингла, оставете го настрана. За тоа време, ситно исечкајте го празот и ставете го да се динста. По неколку минути додадете го оризот и посолете, убаво измешајте и продолжете да динстате уште неколку минути. Потоа, ставете црн пипер, црвен пипер и останати зачини по вкус и желба. Убаво измешајте и тргнете го тавчето од оган.
Одвојте ги корите една од дрига. Во лонче измешајте ја водата и маслото за премачкување. Една кора ставете ја на работната површина. Со лажица ставете од мешавината за премачкување и намачкајте што поголем дел од површината. Свиткајте ја кората по должина, потоа повторно премачкајте ја.
Сега нанесете 2 лажици од филот од оризот и праз, ставете го на средината на кората. Свиткајте ја кората како сарма.
Редете ги питичките во подмачкан плех. Горната површина премачкајте ја со смесата за премачкување. Печете во рерна околу 40 минути на 200 степени.
