Филмот „Сета убавина и крвопролевање“ (All The Beauty And The Bloodshed) на Лаура Поитрас ја доби наградата „Златен лав“ за најдобар филм на 79. филмски фестивал во Венеција.
На 58 години, американската режисерка ја освои својата втора голема награда, по „Оскарот“ за најдобар документарен филм за „Citizenfour“ (2015), продуциран заедно со свиркачот Едвард Сноуден.
„All the Beauty and the Bloodshed“ е патување низ животот на Нан Голдин, 68-годишна фотографка позната по своите снимки од њујоршкото подземје.
Големата награда на жирито – „Сребрен лав“, ја зеде францускиот „Свети Омер“ (Saint Omer) во режија на Алис Диоп, додека Лука Гвадањино за американско-италијанското остварување „Коски и сите“ (Bones and Аll) го доби „Сребрениот лав“ за најдобар режисер на ова фестивалско издание.
Кејт Бланшет беше прогласена за најдобра актерка за улогата во филмот „ТАР“ (TÁR) на Тод Филд, а, пак, наградата за најдобар актер ја доби Колин Фарел за „The Banshees Of Inisherin“ во режија на Мартин Мекдонаг, кој се закити и со наградата за најдобро сценарио.
Наградата „Марсело Мастројани“ за најдобар млад актер или актерка, ја освои Тејлор Расел за филмот „Коски и сите“. Специјалната награда од жирито му припадна на „Без мечки“ (No Bears) на Џафар Панахи од Иран.
Со жирито на 79. Венециски филмски фестивал претседаваше актерката Џулијан Мур.
