Сите вработени во јавниот и приватниот сектор и студенти во Саудиска Арабија ќе имаат слободен ден во среда, откако нивната репрезентација ја победи Аргентина со 2-1 во еден од најголемите шокови во историјата на Светските првенства, пишува Дејли мејл.
Ваква одлука донел кралот на Саудиска Арабија, Салман бин Абдул-Азиз Ал Сауд, кој 23 ноември го прогласи за државен празник за да можат жителите на Саудиска Арабија да ја прослават победата на Светското првенство во Катар.
Државата ќе даде и бонус за секој фудбалер – парична награда, за секој играч премија од по 1,5 милиони долари.
Сите екипата на победникот ја сметаа за аутсајдер , сепак таа успеа да постигне два гола и да дојдат до победа. Аргентинците играа добро во првото полувреме, поведоа со голот на Меси од пенал во 10.минута, но не успеаjа да ја зголемат предноста до крајот на првиот дел.
Кралот Салман има 86 години. Роден е во главниот град Ријад и кралската титула ја носи од 2015 година.
