Се чувствувам толку живa, како да имам само 14 години и на почетокот на мојот животен пат. Се будам секое утро со таква радост и цел.
Оваа изјава на американската актерка Џејми Ли Кертис ја паметат многумина, а ја кажа кога ја доби наградата за животно дело на 78. Меѓународен филмски фестивал во Венеција, минатата година.
Оние кои ја познаваат, се свесни дека ваквиот одговор беше реакција на доделувањето на наградата, која најмногу оди кај актери кои се на крајот од својот професионален пат.
Џејми Ли Кертис денеска го слави својот 64-ти роденден и, како што пишуваат медиумите, судејќи по ангажманите што ги има, таа навистина се однесува како штотуку да зачекорила во светот на возрасните.
Пред две години таа започна подкаст на платформата „Audiblo“, а минатата година уште еден за „iHearthRadio“.
