Состојки:
500 гр пишкоти
2 пудинзи од чоколадо
300 мл млеко
4 лажици шеќер
1 пудинг од јагоди
400 мл млеко
250 мл слатка павлака
5 лажици шеќер во прав
200 гр свежи јагоди
Подготовка:
Во соодветен сад наредете еден ред пишкоти. Потоа околу обрачот на тавата наредете ги останатите пишкоти вертикално така што ќе формираат круг.
Потоа започнете со подготовката на филовите.
Сварете ги пудинзите од чоколадо и јагода одделно. Потоа изматете ја слатката павлака.
Врз пишкотите најпрвин истурете го филот со чоколадо, потоа од јагода и на крај ставете ја слатката павлака. Декорирајте со јагоди.
Вака подготвената торта оставете ја да отстои во фрижидер најмалку 3 часа.
