Мала промена во вашето секојдневие – сигурни сме дека одамна не сте подготвиле ваков ручек…
Состојки:
200 грама рикота сирење
100 грама рендан пармезан
1 јајце
1 главица кромид
сол, бибер
4 тиквички
100 грама моцарела
масло за јадење
Подготовка:
Вклучете ја рерната да се загрева на температура од 180 степени уште пред да почнете со подготовка на јадењето.
Потоа, во подлабок сад, ставете ги сите видови на сирења потребни за подготовка на овој рецепт, матеното јајце и ситно исечканиот кромид како и зачините. Сите овие состојки убаво измешајте ги.
Тавата за печење премачкајте ја со масло за јадење, а тиквичките исечкајте ги на помали парчиња. Секое парче тиквичка измачкајте го во претходно подготвената смеса со сирење, а потоа редете ги во тавата за печење.
Постапката повторувајте ја додека не ги потрошите сите состојки.
Доколку ви остане од смесата со сирењето, истурете ја врз тиквичките што веќе сте ги наредиле во тавата за печење.
Вака подготвеното јадење, печете го околу 40 минути.
