Кроасани полнети со фил од ореви. Убави, меки и ароматични, благо крцкави и лиснати, овие кроасани се совршен додаток на шолјата кафе или чај.
Потребно ви е:
– 400-500 гр брашно
– 150 гр маргарин
– 1 лажица шеќер, сол
– 200 гр ореви мелени
– 100 мл млеко
– 200 мл јогурт
– 100 гр шеќер
– 30 гр квасец
– 2 јајца + 1 жолчка
Подготовка:
Растворете го квасецот во малку млако млеко и додадете ги двете јајца и добро измешајте, додадете го јогуртот, малку брашно, солта, остатокот од брашното и имесете средно меко тесто.
Немојте да биде тврдо.
Покријте го да одмори околу 30 минути. Измесете го убаво тестото и земете. 6-7 топчиња од брашното. Секоја топче развлечете го со сукало во круг колку што можете потенко, голем колку тањир и премачкајте со маргарин. Со оваа постапка направете ги сите 6-7 кругови, само на најгорниот не ставајте маргарин.
Потоа со раце развијте што поголем круг од сите теста едно врз друго и со сукало исукајте фина лисната кора со дебелина до максимум 1 см. Исечете го кругот на 4 дела, а потоа секоја четвртина уште на три тријаголници за да добиете 12 тријаголници.
Оревите сомелете ги и додадете им малку шеќер и 3-4 лажици топло млеко.
Во секој тријаголник ставете лажица од филот со орев и свиткајте го како кифличка.
Ставајте ги кроасаните во подмачкан плег, покријте ги да одморат 15 минути, па намачкајте ги со разматена жолчка.
Печете на 200 степени 20 до 25 минути.
