Лесен ручек, кој секој може да го приготви и да ужива…тортиља сендвичиња
Потребни состојки:
8 готови ториљи
500 г пилешко бело месо
200 г излупени домати
400 г кашкавал
3 лажици масло за готвење
марула
едно снопче млад кромид
1 лажица исечкан магдонос
1 прстофат лук в прав
оригано, босилек, мешан зачин
Начин на подготовка:
1. Пилешкото месо исечкајте го на тенки ленти, младиот кромид на крукчиња, доматите на коцкички, а кашкавалот изрендајте го покрупно.
2. На малку масло за готвење, пропржете го пилешкото месо, а потоа додадете ги доматите, ориганото, босилекот, лукот во прав и мешаниот зачин. Сите состојки заедно кратко пропржете ги.
3. Откако ќе ја тргнете тавата од рингла, во неа додадете го младиот кромид и убаво измешајте.
4. Земете една тортиља, наредете ја со кашкавал и полијте ја со филето од бело месо. Преку филето повторно наредете кашкавал и марула и преклопете ја со уште една тортиља. Подготвениот сендвич, благо притиснете го со дланките одозгора. На ист начин пригответе ги сите тортиљи.
5. Земете тефлонско тавче, загрејте го и на него печете ги тортиља сендвичите од обете страни за кашкавалот убаво да се стопи. Внимавајте да не ги загорите.
6. Сендвичите оставете ги да се оладат и послужете ги исечкани на триаголници.
