Разладување со италијански сладолед од кафе, прекрасен и наменет за сите љубители на аромата на кафето. Уживајте…
Италијански сладолед од кафе
Потребни состојки:
9 жолчки од јајце
200 грама шеќер
500 мл млеко
125 грама кафе
300 мл слатка павлака
100 грама кршено чоколадо со вкус на кафе
Начин на подготовка:
Мешајте ги жолчките и шеќерот додека не добиете кремаста смеса.
Ставете ги млекото и кафето во сад на оган и чекајте смесата да почне да вари, а потоа тргнете го садот настрана и почекајте да се излади десетина минути.
Процедете го кафето и смесата истурете ја во садот со жолчките и шеќерот. Повторно мешајте додека да добиете хомогена смеса.
Смесата што ќе ја добиете по мешањето ставете ја на оган на температура од 85 степени. Кога малку ќе се стопли тргнете ја од оган, повторно процедете и оставете да се излади.
Потоа додајте ја слатката павлака и сецканите парчиња чоколадо и замрзнете ја смесата, .
Пријатно уживање!
