Септември за многумина е идеален месец за одмор, бидејќи е начин да се избегнат гужвите и да се ужива покрај море на раат. Сепак, времето може да залади, бидејќи, сепак, е крај на сезоната.
Но, одредени дестинации обезбедуваат поволни услови за одмор и релаксација во септември иако истиот има свои предности и недостатоци.
Не е толку топло и постои можност за дождливи денови. Морето е се уште топло од летните месеци, нема толку многу гужва по плажите, а цените на аранжманите во повеќето случаи се исто така пониски.
Лефкада
View this post on Instagram
Јонскиот остров крие некои од најубавите грчки плажи на кои ќе може да уживате во септември. Температурата на Јонското Море е околу 25 степени Целзиусови во септември, што значи дека ќе можете да пливате. Морето е всушност потопло во септември отколку во јули, а дождливите денови обично се очекуваат на крајот на месецот.
Овој септември, просечната дневна температура ќе биде околу 28 степени. Островот е идеален за мирен одмор и уживање во таверни, истражување на дивите плажи кои се најфотографирани во цела Грција.
Крит
View this post on Instagram
Бидејќи ова е најјужниот грчки остров, таму летните временски услови траат најдолго. Ќе уживате во медитеранските предели без туристи, така што ги има сите услови за вистински одмор. Температурата на морето во септември е околу 24 Целзиусови степени.
На Крит се очекува топол септември, со температури околу 30 степени Целзиусови. Ова се совршени временски услови за истражување на некои од најзначајните атракции на Крит како што се минојските палати и манастири.
Португалија
View this post on Instagram
Има ли подобар начин да го поминете септември од уживање во португалското вино, храна и музика? Покрај тоа, провинцијата Алгарве гарантираат топло време, бидејќи е најјужна.
Овој септември, просечната температура ќе биде 26 Целзиусови степени. Заштитен знак на регионот се плажите со бел песок, покрај архитектурата и пејзажите што го одземаат здивот.
Анталија
View this post on Instagram
Ова турско одморалиште одржува високи летни температури и во текот на септември. На самиот крај на сезоната, сместувањето во хотел станува најповолно, што е дополнителен плус. Морето е исто така многу топло, така што просечната температура е околу 26 степени Целзиусови.
Овој септември, се предвидуваат температури до 32 Целзиусови степени во Анталија. Плажите се долги и песочни, морето е тиркизно.
Мајорка
View this post on Instagram
Се вели дека на овој шпански остров, владее „вечна пролет“ со причина – сончевите денови траат цела година. И во септември преовладуваат летните температури, а оваа година просекот ќе биде околу 32 Целзиусови степени.
„Бисер на Балеарските Острови“ е остров полн со прекрасни плажи, лагуни и заливи. Исто така, е светска дестинација која често ја избира светскиот џет сет.
Египет
View this post on Instagram
Без разлика дали ќе изберете Шарм или Хургада, не ви бега совршениот период за нуркање во Египет. Морето е топло, околу 27 степени, а температурата на воздухот се намалува од 40 и нешто на околу 35 степени, така што е поподносливо отколку во јули и август.
