За успешно готвење качамак од пченкарно брашно, потребно е многу мешање, но постои одличен поедноставен начин за готвење на ова вкусно јадење и тоа без грутки.
Во основа качамакот е обична пченкарна каша, но многу важно е како ја готвите, а претставува одлична алтернатива за редовно внесување скроб. Брашното за качамак е од пченка, не содржи скроб, така што е одличен избор ако сте чувствителни на глутен или имате целијакија (нетолеранција на глутен).
Качамакот е тестенина од северот на Италија, каде што многу се одгледува пченка и затоа редовно е на дневното мени на Италијанците, особено оние во Венецијанскиот регион, кои преферираат бел качамак.
Како да зготвите вкусен качамак, еве една тајна од искусни италијански готвачи: земете огноотпорен сад за готвење и ставете го над тенџере со вода (кое не треба да го преполнувате). Во огноотпорниот сад ставете вода, посолете ја и откако ќе се згрее, додајте го брашното. Потоа покријте го со фолија огноотпорениот сад и оставете го да се вари на средна температура, на пареа. На секои дваесет минути тргнете го садот со качамак настрана и добро измешајте го качамакот мешајќи со лажицата од врвот кон дното. Варете го еден и пол час, додека добиете хомогена смеса. Во готовиот качамак додајте путер, маскарпоне или маслиново масло. При сервирање, можете да го посипете со малку пармезан.
Качамакот можете да го послужите како прилог со главното јадење и за оваа цел можете да го потпечете во рерна. За да го направите тоа, сварениот качамак ставете го во фрижидер да се стегне, потоа посипете го со малку маслиново масло и печете го додека добие златна боја. Послужете го со печено месо по избор. Исто така, можете да ја послужите во комбинација со зеленчук, како вкусна салата.
