Доколку сте во потрага по совршено слатко од јагоди, вистинскиот рецепт е токму овој. За вкусот нема да ви раскажам, мора да се проба. Одлично е во комбинација со палачинки, различни видови на сирења, па дури и за торти, колачи. Слаткото од јагоди е единственото нешто кое ви недостасува за совршен ден.
Потребни состојки:
1кг. јагоди
1кг. шеќер
1 пакетче лимонтус
1 цеден лимон
Подготовка:
Јагодите убаво измијте ги и исчистете ги од рачките. Во сад со вода (150мл.) се додава лимонтусот, потоа се додаваат дел од јагодите да отстојат во течноста 10 до 15 секунди. Истото го повторуваме и со останатите јагоди. Откако ќе де исцедат јагодите, полијте ги со сок од цеден лимон. Потоа во тенџере ставете ред јагоди ред шеќер, се додека не се потроши целата смеса. Оставете го тенџерето да отстои преку ноќ. До сабајлето јагодите ќе си пуштат сок и ги ставаме да се варат на јак оган. Ова слатко не се промешува, па затоа предлагам тенџерето да е доволно големо за да не може да претече водата. Откако ќе се свари (од 15 до 20 мин.) го тргаме слаткото од оган, ја отстрануваме пената и го покриваме со влажна крпа да отстои 15минути. За тоа време јагодите ќе пуштат повторно вода и затоа после 15 минути го враќаме слаткото уште 5 минути на јак оган. Го тргаме од оган му ја отстрануваме пената и го покриваме со влажна крпа и го оставаме да се излади, па потоа го собираме во тегли. Вака подготвеното слатко нема да собере мувла и да се расипе. Ќе имате вкусен сладок оброк.
