Пастата за заби треба да се користи токму за она за што е наменета – за миење на забите.
Затоа, размислете уште еднаш пред да ја нанесете на акните или да ја употребите во каква и да е друга козметичка цел.
Секако, нема кој не чул дека малку паста за заби ќе го смири воспаленото мозолче. Но, ви советуваме сепак да не го правите тоа.
Сите производи за орална хигиена имаат силни својства на сушење. Иако тоа веднаш ги смирува мозолчињата, всушност дерматолозите сметаат дека пастата го нарушува ПХ-балансот на површинскиот слој на кожата, ја иритира, па дури и може да предизвика промени во пигментацијата.
Според нив, најефикасни средства за нега на лицето се токму оние кои се наменети за тоа и кои содржат состојки кои се безбедни за вашата кожа.
