Девојките кои сакаат природен и ненападен изглед, оваа пролет може да се радуваат, бидејќи конечно на модната сцена се враќа сјајот за усни.
Акцентот оваа сезона е на црвенкастите и коралните нијанси, но и седефно розовите и со боја на праска. Можете да изберете меѓу проѕирните сјаеви, но и оние со светки или со честички кои даваат седефаст финиш.
За сјајот долго да ви потрае, најдобро е најпрво да ги исцртате усните со моливче во неутрална боја, да нанесете сосема малку пудра и дури потоа да ставите сјај. Можете да го користите самостојно или над кармин.
