Мејкап артистката Зорица Николова, уметник по образование, но и по сензибилитет, креира осум различни изгледи кај девојки и жени на различна возраст.
Суштината на шминкањето е да го истакне она што е убаво, да ги прикрие неправилностите и притоа да се погоди дозата за да не изгледа вулгарно.
Зока е вистински мајстор на својот занает и со леснотија успева да го извлече најдоброто од секоја жена, без разлика на возраста и бојата на кожата. Она што е најважно, дамите после шминкањето не изгледаат како да носат маска, и понатаму личат на себе.
Слушнете ги советите на Зорица, дознајте по некој трик и применете го во вашата секојдневна рутина.
Во првата епизода ќе гледате каков матурски изглед препорачува Зорица. Модел е младата Андреа.
