Тешко е да се замисли дека во текот на растечката пандемија постои една светла точка. Меѓутоа, бидејќи нашите животи „подзастанаа“, реките и небото го искористуваат присуството на болеста кое го запре човештвото за да се опорават од човечкото влијание.
Маршал Бурк, економист за животна средина на Универзитетот „Стенфорд“, на 8 март направил пресметка за падот на загадувањето на воздухот во делови од Кина.
Според Бурк, голема е веројатноста во Кина, животите спасени на локално ниво, да ги надминат смртните случаи од Ковид-19.
Според него, двомесечното намалување на загадувањето веројатно спасило животи на 4.000 деца помали од пет години и 73.000 луѓе над 70-годишна возраст.
Во Вухан локалното население е воодушевено што повторно го гледа синото небо, бидејќи нивниот град 90% од времето е прекриен со смог.
I'm in the central city of China-Wuhan, today the weather is very good, the blue sky, birds and trees have grown green! Under the control of the virus outbreak, our city will usher in a beautiful spring! pic.twitter.com/IzSesUE219
— helven (@helven19) March 15, 2020
Откако и во Италија беше воведен карантин, сателитските податоци над Северна Италија покажаа голем пад на загадувањето на воздухот – конкретно азотниот диоксид што главно се испушта од автомобили, камиони и фабрики.
Податоците што ги добила Европската вселенска агенција со помош на сателитот „Коперникус Сентинел-5П“, покажале дека изолацијата и карантинот довеле до остар пад на азот диоксид.
