Министерството за здравство во Лондон смета дека и пушачите можат да го доведат своето семејство во опасност од ковид-19.
Професорот Џон Њутн изјави дека никогаш немало подобро време да се престане со пушењето отколку што е сега додека владее пандемија на коронавирус. И тоа не само заради своето здравје, туку и заради здравјето на нивните најблиски.
„Пушењето му штети на здравјето на вашите бели дробови и респираторните органи, а вирусот Ковид-19 го напаѓа токму тоа, целиот респираторен систем“ – вели Џон.
Тој исто така посочува дека истражувањата во Кина довеле до информација дека пушачите имаат 14 пати поголема веројатност да заболат од вирусот отколку непушачите и да развијат сериозни белодробни заболувања.
Студијата била спроведена на пациенти во три болници во Вухан, Кина, кои имале влошена состојба од вирусот „ковид -19“.
Докази од почетокот на пандемијата
Студијата покажала дека првите двајца пациенти, кои починале во болница во Вухан, биле долгогодишни пушачи.
Научниците испитувале повеќе од 8.000 пациенти и откриле дека повеќе мажи биле болни отколку жени. И ова е, велат тие, затоа што мажите во Кина пушат повеќе од жените, предизвикувајќи слабеење на имунитетот.
Во првите шест недели од пандемијата, 1,7 проценти од жените починале, наспроти 2,8% од мажите.
Всушност, Кина има најголем број пушачи во светот, кои сочинуваат една третина од пушачите во светот, од кои само 2 проценти се жени.
