Стравот од нуклеарна војна ја зголеми побарувачката за јод, калиум јодид и слични производи насекаде низ Европа.
Но, лекарите се едногласни во предупредувањето дека никој не смее сам да зема на „своја рака“ препарати со јод бидејќи тие можат да ја загрозат функцијата на штитната жлезда.
Сепак, многумина веќе почнаа да ги набавуваат овие производи, а меѓу нив е и хрватската глумица и инфлуенсерка Петра Куртела.
– Ми рекоа дека јод се добива на рецепт, па ете, да ви го заштедам времето. Аптекарката ми кажа и дека лицата постари од 40 години не би требале да земаат јод бидејќи е поголем ризикот од земање на јод отколку од радијацијата, напиша Петра на социјалната мрежа Инстаграм, а еден од нејзините бројни следбеници ѝ препорача да не шири паника.
View this post on Instagram
Малку подоцна Петра ја објаснува целата ситуација дека нема никаква смисла да се бара јод и дека било глупаво од неа да го прави тоа што сите го прават, а не би требале, пренесува порталот „слободна далмација“.
Инаку, претењето на рускиот претседател Владимир Путин и неговиот министер за надворешни работи Сергеј Лавров дека наводно може да се случи и нуклеарна војна, предизвика голема психоза кај граѓаните и во аптеките се бара јод како превенција од радијација.
