Песков најави учество на Шојгу во преговорите меѓу Путин и Ким Џонг-ун, пренесуваат руските медиуми.
Рускиот министер за одбрана Сергеј Шојгу ќе учествува во преговорите меѓу рускиот претседател Владимир Путин и севернокорејскиот лидер Ким Џонг-ун. Ова го соопшти прес-секретарот на рускиот претседател Дмитриј Песков, пренесува РИА Новости.
Тој, одговарајќи на новинарско прашање, рече дека не се очекува посебна средба на шефовите на Министерството за одбрана на двете земји.
На прашањето дали рускиот министер за одбрана ќе учествува во преговорите меѓу лидерите, претставникот на Кремљ одговори потврдно.
Песков не кажа каде е планирана средбата меѓу Путин и Ким Џонг-ун. Зборувајќи за тајмингот на средбата, тој рече дека таа ќе се одржи „еден од овие денови“.
