Самоизолацијата не ми паѓа тешко. Стално наоѓам нешто да работам. Или свирам или правам музика. Пишувам во компјутер и ако уловам некој добар филм уште поарно, изјави за Утрински брифинг Влатко Стефановски.
– Не можам да кажам дека сум пресреќен заради ова што сум дома, но што е тука е.
Контактите ми се сведени на нула, вели Стефановски.
Ќерка ми Ана помина 10 години во Италија. Често пати бев да ја посетувам, така што имам посебни емоции, емпатија за италијанскиот народ кој поминува низ невидена криза. Снимив една нумера од италијанскиот композитор Енио Мориконе, најдобриот филмски композитор на планетава. Одбрав една тема „Cinema paradiso“.
Тоа нека биде поздрав и мисла до нив со желба за побрзо надминување на оваа криза. Од друга страна имам потреба и да ги поздравам луѓето од Загреб кои се наоѓаат во „double trouble“, не знаат дали да се чуваат од земјотрес дали од Коронавирус, изјави Стефановски.
