Регионалната ѕвезда Здравко Чолиќ е еден од најголете шармери на нашите простори, со кој има бројни анегдоти и приказни кои кружат со години, но има еден детаљ за пејачот кој ретко кој го знае, а датира од самите почетоци на неговата музичка кариера.
Имено, во далечната 1974 година, Здравко имал голема желба да стане светска ѕвезда, па потпишал договор со музичката куќа „Ворнер Брос рекордс“ и снимил неколку песни, односно мини албум за германското говорно подрачје. На ова, секако, морало да се прилагоди неговото име, па Здравко станал Дравчо. Под тоа име го издал и мини албумот „Madre Mia (Meine Mutter)“, во превод „Мајко моја“, кој содржи три песни – истоимената насловна песна, како и песните „Rock ‘n’ Roll Himmel“ и „Alles was ich hab“.
Покрај на германски, Здравко пеел и на англиски јазик, во 1987 година кога го издал диско-синглот „Light Me – I’m Not a Robot Man“.
Но, брзо заборавил на интернационалната кариера откако со своите синглови ја освоил Југославија, а денес е легендарно име на музичката сцена во целиот регион.
