Српскиот актер Петар Бенчина синоќа го прослави раѓањето на својот син во друштво на семејството и колегите. Неговата сопруга, актерката Тамара Драгичевиќ се породи на 6 јули. Таа на свет донесе момче на кое му го дадоа името Борис.
Петар вчера ја посетил и сопругата во породилиште, а на Инстаграм објави трогателна сцена, снимајќи ја низ прозорецот со новородениот син во раце.
После тоа, имаше прослава до зори во популарната белградска кафеана на Дорчол. Петар ги собра колегите, а таму беше и неговиот брат, актерот Игор Бенчина.
Гордиот татко во својата инстаграм сторија сподели видео од забавата, каде што можеме да видиме дека му е искината маицата, што е еден од обичаите што му се прави на таткото кога ќе му се роди дете.
