Српска поп-фолк пејачка Теа Таировиќ се прослави со нејзиниот хит со наслов „Ајде“ на кој има повеќе од 60 милиони прегледи. Хитот на Теа беше омилен и меѓу македонската публика, но откако ја разлути македонската јавност пејачката е мета на напади на социјалните мрежи.
За време на еден нејзин настап во Бугарија пејачката го промени текстот на македонската народна песна на нашиот познат пејач и автор Јонче Христовски компонирана во далечната 1964 година – „Македонско девојче“ во „Бугарско девојче“.
Пак рокајте ја теа теирович ссмо не заборавајте да ја плукнете во фацс следен пат кога ќе дојде во Македонија.
Смрдла гнасна. pic.twitter.com/1YgdF0ZztT— Петар (@PetarZz) January 30, 2022
Таировиќ, која важи за многу популарна пејачка во нашата земја, каде постојано настапува во клубови и дискотеки, а колку Македонија е застапена на нејзиниот репертоар доволно покажува фактот што пејачката за новогодишната ноќ настапуваше токму во нашата земја. Со нејзината постапка и промената на нашата легендарната песна „Македонско девојче“ ја разочара целокупната македонска јавност,
View this post on Instagram
„Кралицата на бакшишот“ како што е позната во регионот, која само од еден настап може да заработи и неколку илјади евра, каде и да се појави прави одлична атмосфера пред сè поради одличниот изглед и талентот за играње.
„Нема поубаво девојче од Бугарче“ – испеа Теа со што промени дел од рефренот на оригиналната македонска песна.
На социјалните мрежи не стивнуваат критиките од страна на македонскиот народ кон Теа, а пејачката се обиде да се извини и да надомести кон своите фанови во Македонија.
„Ова е песна кога се вика „Македонија“ и која ќе се најде на албумот кој треба да излезе во април оваа година. Песната ја напиша татко ми и тоа беше песна со која сакав и сè уште сакам да ви оддадам почит и благодарност за сета љубов што ја имам од вас“, СЕ ОБРАТИ ТЕА СО ВИДЕО ПРЕКУ СВОЈОТ ИНСТАГРАМ – ПРОФИЛ.
View this post on Instagram
„Вчера ја пеев песната „Македонско девојче“ во Бугарија во Благоевград. На мојот настап имаше и Бугари и Македонци и на крајот на самата песна тоа што го променив текстот значеше само љубов, едноставно искажување почин и кон едните и кон другите. Ако сакате попрецизно, тој дел од текстот ѝ го пеев на една преубава девојка која беше во публика. Не ме интересираат политичките случувања во ничија земја, ниту во вашата, ниту во мојата. Јас сум позната по тоа што ги спојувам луѓето, ширам љубов низ песните и тоа така и ќе остане“, ИЗЈАВИ ПЕЈАЧКАТА ВО НЕЈЗИНОТО ОБРАЌАЊЕ ПРЕКУ СОЦИЈАЛНИТЕ МРЕЖИ.
