Комбинацијата од спанаќ, сирење и печурки создава лесен и ароматичен пролетен залак. Ова едноставно, но многу вкусно јадење е идеално за освежување на трпезата во пресрет на пролетта.
Еве што ќе ви биде потребно:
Состојки:
– 20 шампињони
– половина килограм свеж спанаќ
– еден млад лук
– 220 грама сирење
– сол, бибер
– 1/4 шолја пармезан
– 1/4 шолја презла
Подготовка:
Измијте ги шампињоните и одвојте ги стебленцата од капите. Наредете ги капите на подмачкан со плех за печење, а стебленцата од шампињоните ситно исечкајте ги и испржете ги во тава на не многу висока температура.
Исечканите стебленца пржете ги со лукот, а потоа додајте ги спанаќот, сирењето, солта и биберот.
Кога состојките убаво ќе се испржат и соединат, земете една лажица од добиената смеса и наполнете ги капите од печурките.
Наполнетите печурки посипете ги со презлата и со пармезанот, а потоа печете ги на 190 степени околу 12 до 15 минути.
Уживајте во овој едноставен, а превкусен рецепт.
