Популарната пејачка Рита Ора, која е со албанско потекло, неодамна гостуваше во подкастот „Диар медиа“ (Dear Media), а кратки видеа од ова интервју се појавија на ТикТок во кои пејачката вели дека Косово, всушност некогаш ѝ припаѓало на Албанија.
„Јас сум родена во Косово. Во Албанија, добро, сега е Косово, но беше дел од Албанија. Потоа се преселив во Лондон кога имав една година…“, изјавила Рита.
Водителката на подкастот потоа искоментира дека има многу Албанки во светската музичка индустрија.
„Прекрасно е, кога почнав во 2012 година, немаше. Сега ги имаме Дуа Липа, Бебе Реџа и тоа е прекрасно. Мислам дека е природно да не споредуваат, особено што не нема многу низ светот. Но, ние три сме навистина различни…“, рече меѓу другото пејачката.
Меѓутоа првата изјава на пејачката за Косово и Албанија предизвика бурни реакции и отвори дебата меѓу корисниците на ТикТок за историјата на Балканот.
@dearmedia We need a @Rita Ora @Ava Max @BebeRexha @Dua Lipa collab asap 🔥 #albainan #albaniantiktok #femalmusicians #musiciancollab #ritaora #notskinnybutnotfat #podcastclips ♬ original sound – Dear Media
