Нашинка во странство, прекрасната и секогаш позитивна баба Анче која живее во Детроит, САД, овојпат ни испрати рецепт за превкусни колачиња од портокал.
Подгответе ги и вие и израдувајте ги најдрагите.
Потребни намирници: 3 жолчки, 250 мл сок од портокал, 250 гр. шеќер, 8 лажици маргарин, 2 мали лажички сода бикарбона, 1 мало лжиче пециво, 900 грама до 1 кг брашно.
Подготовка
Промешајте ги сите намирници заедно, тестото оформете го по ваша желба, или направите топчиња кои се полнат со мармалад и преви одвнатре.
Потоа наредете ги колачињата во тава за печење и шечете 20 минути на температура од 175 степени.
Извалкајте ги колачињата во шеќер во прав.
Баба Анче некогаш ги приготвува со слатко од смокви и вели дека се неодоливи! „Само дупче му се прави на топчето и се полнт со слатко и може да се додаде парченце смоква. Многу се вкусни, се топат во уста“ – објаснува Аница Клокановски.
На здравје!
