Некои успешно, а некои помалку, но за мнозинството хрватски студенти официјално заврши уште еден зимски испитен рок.
По тој повод, еден од омилените професори на Факултетот за електротехника и компјутерски науки (ФЕР), Мерван Пашиќ, на студентите им испрати порака која воодушеви многумина, а тоа е песната „Студентска рапсодија: Ќе положам кога тогаш“.
Но, професорот не бил сам во овој потфат, па му помогнале, се наведува под песната, од „Божо Сакс“ во пеење и алт саксофон и „Ѓуро Рамоника“ во пеење и хармоника. Иако насловот на песната потсетува на оној на популарните Квин, професорот Пашиќ всушност одлучи – да рапува.
Наменета за сите студенти кои паднале на испитите, оваа песна доби бројни пофалби во коментарите, а многумина прашуваат кога ќе биде објавена на платформата за стриминг на музика Спотифај.
