Метеопрогнозерот Славчо Попоски прогнозира какво време ќе имаме во следните денови.
– Во следните денови атмосферата над Македонија ќе биде постабилна, а ќе има и многу повеќе сончеви периоди. Сепак, во попладневните часови не се исклучува можноста за ретка појава на краткотраен пороен дожд и грмежи. Што се однесува до температурите, тие ќе бидат значително повисоки за разлика од претходните денови, и максималните температури ќе се искачуваат во интервалот од 26 до 33 степени. И во Скопје и околината атмосферата во следните денови ќе биде постабилна, а ќе има и многу повеќе сончеви периоди. Температурите во следните денови во Скопје ќе се искачуваат во интервалот од 28 до 33 степени. УВ-индексот во следните денови во Македонија ќе има коефициент некаде околу 10, па затоа граѓаните ги советуваме да се заштитат од лошото влијание на сонцето – вели метеопрогнозерот Славчо Попоски.
