Една од најпознатите српски пејачки,Теа Таировиќ (29), одлучи да се почасти со вила на јадранскиот брег. Пејачката купи куќа во изградба на полуостровот Луштица во Црна Гора. За куќата издвоила дури 430.000 евра, а планот бил куќата да се заврши оваа година.
Сепак, куќата е сè уште во изградба и не е завршена, па Теа сè уште не може да ужива во неа.
– Не се вселив, иако требаше. Секако, причината е што работите за завршување на комплексот се одложуваат. Се надевам дека следната година ќе можам да се сместам таму – изјави пејачката за српските медиуми, пренесува Телеграф.
Вилата се наоѓа на самиот врв на Луштица, има три ката и прекрасен поглед на планините и морето. Српската актерка Марија Каран (43) и поранешниот кошаркар Владе Дивац (57) исто така поседуваат луксузни домови на оваа локација.
– За неа беше многу важно да биде пространа, со голема тераса и поглед на морето. Исто така, да биде под видео надзор за безбедност. Сето тоа го пронајде, а за вилата плати огромни 430.000 евра! – објави изворот.
Теа поседува неколку недвижности, а неодамна купи стан во Белград за дури 300.000 евра, а има и стан во Нови Сад.
