Иако многумина се обидуваат да ѝ најдат мани и скандали, тоа не и пречи многу и таа продолжува понатаму. Популарна е зашто е млада, интересна жена, претставува нов бран на политика и знае да ги користи социјалните мрежи на вистински начин.
Финската премиерка Сана Марин деновиве се здоби со популарност бидејќи е жена што му се спротивстави на Владимир Путин објавувајќи дека ќе ја внесе земјата во НАТО и игнорирајќи ги неговите закани.
Марин стана премиерка на 34 години, а воедно е и најмлада личност на таа функција. Планира да воведе четиридневна работна недела и шестчасовен работен ден, како и намалување на јаглеродниот отпечаток, пренесува РТЛ Директ.
View this post on Instagram
Финската премиерка има интересен инстаграм-профил каде што може да се видат интересни објави, од селфи со Трудо до селфи како ужива на снег.
Марин се најде на насловната страна на „Тајм“, а „Форбс“ минатата година ја рангираше меѓу 100-те најмоќни жени во светот. Но, таа се вози со јавен превоз, купува во локалните продавници и одржува прес-конференции облечена во кожна јакна.
Не паѓа на провокации
Таа знае да преземе одговорност, што на многу други политичари не им оди од рака кога се во неволја. Не паѓа на провокации. Иако многумина се обидуваат да ѝ најдат мани и скандали, тоа не и пречи многу и таа продолжува понатаму. Популарна е зашто е млада, интересна жена, претставува нов бран на политика и знае да ги користи социјалните мрежи на вистински начин.
View this post on Instagram
Финците ја сакаат зашто е отворена и не ѝ е проблем да се извини кога ќе погреши, како кога се забавуваше во клуб наместо да биде во изолација бидејќи нејзиниот министер беше позитивен.
„Секако дека се извинувам за моето однесување и за она што го направив. Не се однесував најдобро и се извинувам поради тоа“, изјави тогаш таа.
Работела во пекарница и дистрибуирала весници
Пред да стане член на локалниот совет, а потоа и член на Народното собрание и министерка, таа работела во пекарница и дистрибуирала весници.
Марин јасно и гласно кажа дека не се плаши од заканите на Путин. „Нема да дадам временска рамка за нашите одлуки, но мислам дека тоа ќе се случи прилично брзо, за неколку недели, а не месеци“, рече таа.
