Поранешната љубовница на Мирослав Илиќ, Мирјана Антоновиќ, објави на социјалните мрежи дека судот во Белград пресудил дека пејачот Мирослав Илиќ е биолошки татко на нејзиниот син Девин Антоновиќ, пишува српски „Информер“.
Мирјана им се заблагодари на сите за нивната поддршка, иако не ја покажа судската пресуда.
Во оваа пригода, таа се огласи на социјалните мрежи и истакна дека правдата е достижна, само треба да се биде трпелив, пишува српски „Блиц“.
– Само да ви јавам, по толку години борба, победата е ваша и наша! Во право бевте, вистината на крајот секогаш победува. Конечно, сè е завршено. Апелациониот суд донесе конечна одлука. Тоа требаше одамна, но подобро и доцна отколку никогаш. (Тој закон итно треба да се измени). Девин секогаш беше и утврдено останува биолошки син на Мирослав Илиќ. Наредбата е така да се запише во сите книги и документи. Ви благодариме многу што верувате и стоите покрај нас упорно, трпеливо и покрај сите лаги. Уште еднаш им се заблагодарувам на сите мои пријатели за нивната сила и поддршка. Мајката е најголемата сила на овој свет. Ве сакаат многу вашите Мирјана и Девин – напишала Мирјана во објавата на Фејсбук.
