Актерката се здобила со оштетување на белите дробови и изгореници и е моментно на механички вентилација.
Состојбата на актерката Ен Хеч се влошила по сообраќајната несреќа во која се удрила зад воланот на нејзиниот автомобил во ѕид од куќа во Лос Анџелес. Ова го изјави нејзиниот портпарол, а пренесува Си-Ен-Ен.
„Во текот на викендот, претставник изјави дека Ен е во стабилна состојба, но информациите се неточни. Таа секогаш беше во критична состојба, падна во кома по инцидентот“, рече портпаролот, наведувајќи дека актерката има „значајна повреда на белите дробови која бара механичка вентилација и изгореници за кои е потребна операција. Моментално се лекува во Центарот за изгореници Гросман“.
Актерката е под истрага и за возење под дејство на алкохол. Резултатот од земање крв направен на денот на инцидентот сè уште не е достапен, изјави полицаецот од Лос Анџелес, Ени Хернандез за Си-Ен-Ен. Со оглед на нејзината состојба, инспекторите не можеа да ја испрашаат, пренесува раињуз.
