– Многу нестабилно време е пред нас во следниот период, а особено од утре па натаму нестабилноста ќе биде нагласена и на многу места низ Македонија ќе има пороен дожд, грмежи и засилен ветер.
Локално ќе има појава на ПОИЗРАЗЕНО НЕВРЕМЕ проследено со интензивен пороен дожд кој може да услови локални поплавувања, олуен ветер, силни електрични празнења и појава на град.
Токму поради ова препорачуваме КРАЈНА ПРЕТПАЗЛИВОСТ, а надлежните да се подготват за посериозно невреме, предупредува метеопрогнозерот Славчо Попоски.
Попоски вели дека и локална нестабилност со пороен дожд, грмежи и засилен ветер ќе има и денес попладне.
