– Под влијание на МНОГУ ТОПЛАТА воздушна маса од Африка, во следните денови времето во Македонија ќе се задржи МНОГУ ТОПЛО и сончево со мала локална облачност. Во попладневните и во вечерните часови ќе има локална појава на нестабилност, проследена со пороен дожд, грмежи, засилен ветер а можна е и локална појава на КРАТКОТРАЈНО НЕВРЕМЕ.
Температурите во следните денови ќе се искачуваат во интервалот од 30 до 38 степени, а Ув – индексот ќе има ЕКСТРЕМНО ВИСОКА вредност и ќе изнесува коефициент некаде околу 10, па затоа на граѓаните им советуваме да се заштитуваат од лошото влијание на сонцето, но и да пијат што повеќе течности.
И во Скопскиот регион во следните денови времето ќе биде МНОГУ ТОПЛО и сончево со мала локална облачност. Во попладневните и во вечерните часови во делови од котлината не се исклучува можноста за појава на нестабилност. Температурите ќе се искачуваат во интервалот помеѓу 34 и 35 степени – вели метео прогнозерот Славчо Попоски.
