– Денес времето во Македонија ќе биде променливо облачно и студено со сончеви периоди. Ќе дува слаб до умерен, а долж Повардарието повремено засилен ветер од северен и од северозападен правец, додека во северните планински предели ќе има услови за локално и слабо провејување на снег. Температурите ќе се искачуваат во интервалот од 1 до 9 степени, – вели нашиот метео прогнозер Славчо Попоски.
Во Скопје и околината времето ќе биде променливо облачно со сончеви периоди. Ќе дува умерен, повремено засилен ветер од северен правец. Максималната температура ќе се искачи до околу 5 степени.
Според Попоски, во следните денови ќе имаме повеќе сончеви периоди. Ќе дува слаб до умерен, а особено утре и тоа Долж Повардарието засилен ветер од северен и од северозападен правец. Минималните температури ќе бидат доста ниски и на некои места ќе се спуштат до -10 степени, додека во планинските региони истите се очекува да се спуштат и до околу -15 степени. Макималните дневни температури пак ќе се икачуваат во интервалот од 1 до 7 степени.
Исклучок ќе биде утрешниот ден кога ќе биде нешто потопло и максималните дневни температури ќе се искачуваат во интервалот од 3 до 11 степени
