– Денес времето во Македонија ќе биде сончево и студено со мала локална облачност. Ќе дува умерен, а Долж Повардарието повремено засилен ветер од северен правец. Температурите ќе се искачуваат во интервалот од -4 до 5 степени – вели нашиот метео прогнозер Славчо Попоски.
Во Скопје и околината времето ќе биде сончево и студено со мала локална облачност. Ќе дува умерен, повремено засилен ветер од северен правец. Максималната температура ќе се искачи до околу 1 степен.
Според Попоски, во следните денови времето ќе се задржи сончево со мала до умерена локална облачност. До сабота ќе дува умерен, а долж Повардарието засилен ветер од северен и од северозападен правец. Наутро ќе биде многу студено, и тоа особено утре кога минималните температури понекаде се очекува да се спуштат до околу -15 степени. Максималните пак ќе бележат тенденција на пораст и во следните денови ќе се искачуваат во интервалот од 2 до 9 степени, додека во најтоплите предели истите се очекува да се искачат малку над 10 степени.
