– Денес времето во Македонија ќе биде сончево и МНОГУ ТОПЛО со мала локална облачност и со слаб до умерен, а долж Повардарието повремено засилен ветер од северен правец. Во попладневните и во вечерните часови ќе има локален развој на нестабилна облачност, проследена со пороен дожд, грмежи, засилен ветер а има услови и за локална појава на град. Температурите денес ќе се искачуваат во интервалот од 30 до 38 степени.
Во Скопје и околината денес времето ќе биде сончево и МНОГУ ТОПЛО. Ќе дува умерен, повремено засилен ветер од северен правец, а во попладневните и во вечерните часови во делови од котлината ќе има услови за нестабилност, проследена со краткотраен пороен дожд, грмежи и засилен ветер. Максималната температура ќе се искачи до околу 35 степени.
Потоа и во следните денови времето во Македонија ќе се задржи МНОГУ ТОПЛО и сончево со мала локална облачност. Во попладневните и во вечерните часови ќе има појава на локална нестабилност, проследена со пороен дожд, грмежи, засилен ветер а на некои места има услови и за појава на КРАТКОТРАЈНО НЕВРЕМЕ. Температурите ќе се искачуваат во интервалот од 30 до 38 степени, додека во најтплите предели истите се очекува да се искачат и до 40 степени. Ув – индексот и понатаму ќе има ЕКСТРЕМНО ВИСОКА вредност, и во следните денови ќе изнесува коефициент некаде околу 10.
