– Како што најавивме и во следните денови времето во Македонија ќе биде променливо облачно, повремено со сончеви периоди но и со услови за слаби локални врнежи од дожд. Ќе дува слаб до умерен ветер, и тоа во западните предели од југозападен, додека во останатите од југоисточен правец. Температурите и понатаму ќе бидат натпросечно високи, и минималните ќе се спуштаат во интервалот од -2 до 6 степени, додека максималните ќе се искачуваат во интервалот од 7 до 15 степени. Уште поголем пораст на температурите ќе има од четврток кога во најтоплите предели максимумот на температурата се очекува да се искачи до 20 степени. Тогаш и тоа поради високите температури на воздухот ќе дојде и до топење на снежната покривка на планинските места. И во Скопскиот регион во следните денови времето ќе се задржи променливо облачно со слаб до умерен ветер од југоисточен правец – вели нашиот метео прогнозер Славчо Попоски.
Според Попоски, ќе има услови и за сосема слаб и локален дожд. Минималните температури ќе се спуштаат помеѓу 1 и 2 степени, додека максималните ќе се искачуваат во интервалот од 12 до 16 степени.
