Креативниот директор на „Гранд продукција“, Саша Поповиќ ја сумираше годината што се ближи кон крајот и откри која е неговата единствена неостварена желба.
Поповиќ истакна и дека е во пензија и дека воопшто не му е грижа што некој ќе каже за него, а откри дека посакува да добие внуче.
– Секако, дали е внука или внук, посакувам внуче. Не е важно дали е машко или женско. И јас и Сузана посакуваме, но еве, чекаме! Чекаме да видиме што ќе се случи. Чекаме, но се уште нема ништо… Тоа ќе се случи – изјави Поповиќ.
Поповиќ неодамна се најде на мета на интернет измами, а сега откри зошто нема профил на ниту една социјална мрежа.
– Еве што ми покажа ќерка ми, ми кажа дека некој ме ставил на Инстаграм како да е мојот вистински профил. Тоа не е точно. Јас го немам тоа. Никогаш не сум имал профили на социјалните мрежи, ниту сакам да имам, ниту имам. Немам Титок, немам Инстаграм, немам Фејсбук, немам ни Твитер. Немам ништо и среќен сум што немам – рече Поповиќ и додаде:
– Што ќе правам јас? Четиринаесет години сум на телевизија, сите ме гледаат. Го кажувам тоа што го имам, често имам некои интервјуа. И сега кога имам свој профил, да читам на социјалните мрежи што вели овој, што вели тој, ако се нервирам нема! Ми се допаѓа вака. Во април полнам 70 години, пензионер сум, уживам и воопшто не ме интересира кој што кажува, а кој што пишува, па навистина не ми требаат овие социјални мрежи – изјави тој.
