Руските вооружени сили објавија дека имаат намера да ги повлечат трупите од Змискиот остров.
Повлекувањето, како што пренесува агенцијата Тасс, се должи на тоа „за да не ги попречат напорите на ОН за ослободување на украинскиот извоз на храна“.
Сепак, на Киев нема да му биде дозволено да го користи островот како база за својот извоз.
„На 30 јуни, како знак на добра волја, руските вооружени сили ги завршија своите должности на Змискиот остров и го повлекоа гарнизонот кој беше стациониран таму“, се вели во соопштението на Министерството за одбрана, а пренесува руската агенција Тасс.
