Најновиот филм на популарниот српски актер Милош Биковиќ, „Слуга 2“, ги руши сите рекорди во Русија. Како што пишуваат српските медиуми, филмот веќе го погледнале шест милиони луѓе.
Руската комедија, во режија на Клим Шипенко, со Милош Биковиќ во главната улога, во Русија се прикажува од 1 јануари, а за само една недела филмот заработи речиси две и пол милијарди рубљи, што е околу 25 милиони евра, пишува рускиот сајт „Кинометро“.
Првиот дел од оваа комедија, кој излезе во 2019 година, стана најгледаниот филм во историјата на руската кинематографија со заработка од нешто повеќе од три милијарди рубљи.
Покрај Милош, главните улоги во филмот „Слуга 2“ ги толкуваат и Аглаја Тарасова и Александар Самоленко.
