Холивудската легенда Ричард Гир (75) и неговата сопруга Алехандра Силва (41) засекогаш ќе се сеќаваат на првата средба, и тоа поради урнебесна причина.
Славниот актер во интервјуто за шпанскиот „Ел“ се пошегувал дека неговата сопруга „немала поим“ кој е тој кога се запознале.
„Таа мислеше дека сум Џорџ Клуни“
– Ништо. Не ги гледала филмовите, што беше прекрасно. Бев многу среќен поради тоа – рекол Гир, но сопругата го прекинала, велејќи: „Не, чекај малку. Ричард, знаев кој си ти“.
Меѓутоа, таа тогаш признала дека не ги гледала сите негови филмови, а Гир се пошегувал: „Мислеше дека сум Џорџ Клуни“.
Неговата сопруга признала дека сепак гледала некои од неговите филмови и дека се вљубила во него поради филмот „Time Out of Mind“ од 2014 година.
Во брак се шест години
За потсетување, парот се венча на тајна церемонија во април 2018 година, а заедно ги имаат петгодишниот син Александар и четиригодишниот син Џејмс. Гир е и очув на 11-годишниот син на Силва, Алберт од претходниот брак и татко на 24-годишниот Хомер, кој го доби со поранешната партнерка Кери Лоуел.
