Емилија, ќерката на пејачот Даниел Кајмакоски и неговата сопруга Марина, наполни две години. Семејството го одбележа роденденот дома, со торта украсена со ликовите на Том и Џери.
Марина сподели фотографии од прославата, а роденденската честитка ја објави покрај фотографија на која ја држи Емилија кога била бебе. Во пораката ѝ посака на ќерката да остане љубопитна, весела и храбра, а ѝ порача дека семејството ќе биде покрај неа во секоја нова авантура.
„Среќен втор роденден, наше мало сонце!“, напиша Марина. Честитката ја потпиша во име на целото семејство, вклучувајќи го и братчето на Емилија, Стефан.
Да потсетиме, Даниел и Марина се родители на Стефан и Емилија. Пејачот има уште едно дете од бракот со Кристина Димитриевска.
