Писателката Линдзи Бир потпиша договор со филмското студиото „Парамаунт“ за да го режира продолжението на хорор-филмот од 1999 година со Џони Деп, со наслов „Sleepy Hollow“.
Бир ќе работи заедно со Тод Гарнер и Спенсер Вокен од Broken Road Pictures, на сценариото и продукцијата на филмот, а веста веќе ја објавија американските весници.
Оригиналната приказна на Sleepy Hollow е од американскиот писател Вашингтон Ирвинг, историчар, биограф и писател од раниот 19 век.
Покрај филмот од 90-тите, приказната беше проследена и со ТВ серија во 2010 година, која се емитуваше четири сезони пред да биде откажана.
Најпознатата адаптација, сепак, беше римејкот на Paramount од 1999 година, во режија на Тим Бартон со Џони Деп како Ичабод Крејн. Филмот заработи повеќе од 200 милиони долари на светските киноблагајни и сè уште се смета за задолжителен кога станува збор за Ноќта на вештерките. Кристина Ричи ја играше љубовта на Деп, додека Кристофер Вокен, Миранда Ричардсон и Каспер Ван Диен глумеа во други значајни улоги.
Сега, Линдзи Бир покрена иницијатива за продолжение на филмот, секако, повторно со Деп во главна улога.
