Британскиот принц Хари и неговата сопруга Меган се сретнале лице в лице со кралицата Елизабета во четвртокот, изјави нивниот портпарол откако весникот „Сан“ извести за посетата.
Портпаролот рекол дека двојката свратила во Велика Британија на пат кон Хаг, каде што ќе присуствуваат на игрите на Инвиктус, додавајќи дека Хари претходно рекол дека се надева дека ќе се види со својата баба.
Бакингемската палата одбила да даде коментар.
„Сан“ објави дека Хари и Меган се виделе и со принцот Чарлс за време на посетата на замокот Виндзор.
Принцот Хари минатиот месец ја пропушти комеморација за неговиот дедо, принцот Филип, кој почина во април минатата година. Неговото отсуство дојде по несогласувањата со британската влада околу безбедносната заштита за време на неговиот престој во Британија.
